يقولون ..،

موضوع: يقولون ..، الثلاثاء يونيو 12, 2012 7:36 pm

يقولون الذي يهوى غرق وأغتــر فــ أوهامه

عيونه تصدق النظره.. وعين الناس.. كذبها

يصير الزين في خله.. لزيمه ثاني.. اتوامه

قمر خمسة عشر يضوي.. ديار الشين ..عاقبها

خفوق الي هوى شخصً عمى.. وانسد صمامه
عن اهروج.. الملا.. والنصح.. والفود.. وقرايبها

حقيقه قالها منهو.. يهيم بحب غرامه

تولع في..وصوفً معجبً فيها.. ومعجبها..

لقيته فاتن احلامي.. لقاني فارس احلامه

لقيته نور هالدنيا.. لقاني من عجايبها

لقيته ريحة الدنيا.. لقاني اروع انسامه

لقيته فرحت الدنيا.. لقاني من طرايبها

لقيته اعذب اشعاري.. لقاني مبدع الهامه
لقيته من زلال الما.. لقاني من سحايبها

اقيس الوقت فـ اللحظه.. اقيس وصرت رزنامه

احسب للقاء.. وانتم تبوني ما اقاربها !!

لو الشيطان ! يتوظى يتوب ويعلن.. اسلامه

ولو الدنيا تهد الناس.. ثم تترك مصايبها

ولو ان المعتمر يسعى يطوف.. وتارك احرامه
واشوف القدس ماتبكي وفكت.. من حرايبها

بذاك الوقت كان امدى.. اجي واهزز الهامه
وابعد وابتعد وانظر.. متى تقفي ركايبها

دخيل لله.. ماستهزء .. يجل وتشكر انعامه
ولكن اقصد العاذل.. ابي روحه يأنبها

ابي يبعد ويتركني.. يرد اللحم لعظامه
ابي يبعد وينساني.. خلاص الروح عذبها

يكسر لي مجاديفي.. واعيد واجمع احطامه
تعاندي عباد الله.. تناشبني واناشبها

اشوفه ورد ياعالم.. الا يازينه اللثامه !!
حبيبي,, عمري,, الغالي,, زهور الورد يجذبها

وصرت من الذي ناظر.. تفرج لعبة الدامه
يشوف اشياء ماتطري ..على من كان يلعبها